Viktor Gísli Hallgrímsson, Orri Freyr Þorkelsson, Gísli Þorgeir Kristjánsson, Ómar Ingi Magnússon og Óðinn Þór Ríkharðsson eru allir tilnefndir af EHF yfir leikmenn sem hægt er að kjósa í úrvalslið Evrópumótsins.

Íslenska landsliðið er komið í undanúrslit mótsins og mætir Danmörku í undanúrslitum í Herning annað kvöld klukkan 19:30. Þýskaland og Króatía mætast í hinum undanúrslitaleiknum á sama stað klukkan 17:00 á morgun.

Hægt er að kjósa í úrvalslið mótsins á vef Evrópusambandsins en kosningin stendur til 23:59 á laugardagskvöldið.

Ísland er með flestar tilnefningar ásamt Danmörku, Þýskalandi, Frakklandi og Noregi sem öll eiga fimm leikmenn á listanum. Króatía, Slóvenía, Spánn og Portúgal eiga einnig leikmenn sem tilnefndir eru.

Hægt er að taka þátt í kosningunni hér.