Ungverski markvörðurinn, Kristóf Palasics er á förum frá þýska félaginu, Melsungen eftir einungis eitt tímabil með félaginu. Það er RThandball sem greinir frá.

Er Palasics orðaður við ungverska stórliðið Pick Szeged og sagður ganga í raðir félagsins næsta sumar. Palasics var samningsbundinn ONE Veszprém helsta keppinaut Pick Szeged í Ungverjalandi til ársins 2025 en hann gekk í raðir Melsungen síðasta sumars.

Hann hafði hinsvegar verið á faraldsfæti síðustu ár á láni frá Veszprém en hann lék til að mynda með Benfica á síðustu leiktíð, Logrono La Rioja á Spáni þar á undan og með NEKA í Ungverjalandi tímabilið 2021-2023.

Palasics var í eldlínunni með Ungverjum á Evrópumótinu í janúar en hann er fæddur árið 2002.