Sverrir Eyjólfsson aðstoðarþjálfari Stjörnunnar sagði í viðtali við Handkastið eftir fimm marka tap liðsins gegn Þór í 16.umferð Olís-deildar karla á fimmtudagskvöldið vonast eftir því að Jón Ásgeir Eyjólfsson línumaður liðsins geti leikið með liðinu strax í næsta leik.

Stjarnan mætir hinum nýliðunum í Olís-deildinni, Selfossi á heimavelli í 17.umferð á sunnudaginn í mikilvægum leik fyrir bæði lið en aðeins einu stigi munar á liðunum þrátt fyrir að Stjarnan sé í 8.sæti og Selfoss í því 11.

,,Vonandi verður hann kominn inn í næsta leik. Hann er aðeins byrjaður að hlaupa og byrjaður að fara í smá kontakt. Vonandi er stutt í hann,” sagði Sverrir Eyjólfsson aðstoðarþjálfari Stjörnunnar í viðtali við Handkastið eftir fimm marka tap liðsins gegn Þór á fimmtudagskvöldið.

Jón Ásgeir meiddist á æfingu Stjörnuliðsins fyrir áramót og lék ekki með liðinu í síðustu leikjum liðsins í desember.

Hann hafði verið algjör lykilmaður í liði Stjörnunnar bæði varnar- og sóknarlega og munar mikið um fyrir Stjörnuliðið að fá hann til baka.