Fram vann ÍR í endurkomu sigri í 18.umferð Olís-deildar karla á föstudagskvöldið en Fram vann leikinn 28-26 eftir að hafa verið 14-20 undir þegar 20 mínútur voru eftir af leiknum.

Breki Hrafn Árnason kom inn í mark Fram á þeim kafla og gerði útslagið. Farið var yfir lokakaflann og innkomu Breka í mark Fram gegn ÍR í Handboltahöllinni í sýnd er öll mánudagskvöld í opinni dagskrá í Sjónvarpi Símans.

,,Hann kemur inn í stöðunni 20-16 og lokar markinu. ÍR skorar ekki í 6-7 mínútur eftir að hann kemur inn og ver aftur og aftur. Í kjölfarið fer Fram að spila miklu betri varnarleik og þarna er markvörðurinn að kveikja í vörninni. Varnarleikur Framara varð miklu sterkari við það að Breki byrjar að verja og síðan heldur hann áfram að verja og endar í 60% markvörslu," sagði Ásbjörn Friðriksson meðal annars í Handboltahöllinni.

Bæði lið verða í eldlínunni á föstudagskvöldið í 19.umferð Olís-deildar karla. Fram fær HK í heimsókn á meðan ÍR fær topplið Vals í heimsókn.

Umræðuna um innkomu Breka og lokamínúturnar í leik ÍR og Fram er hægt að sjá hér að neðan.