Vinstri hornamaður, Stiven Tobar Valencia leikmaður Benfica í portúgölsku úrvalsdeildinni verður samningslaus félaginu eftir tímabilið. Hann gekk í raðir Benfica frá uppeldisfélagi sínu Val sumarið 2023 og er því á sínu þriðja tímabili hjá Benfica.

Samkvæmt heimildum Handkastsins bendir allt til þess að Stiven yfirgefi Benfica eftir leiktíðina en miklar breytingar verða liði Benfica í sumar.

Leikmenn á borð við Gabreil Cavalcanti, Christoffer Hedberg og Taboada eru allir sagðir yfirgefa Benfica í sumar ásamt Stiven.

Benfica eru í 2.sæti úrvalsdeildarinnar í Portúgal með 49 stig, fimm stigum á eftir Sporting sem er á toppi deildarinnar með 54 stig. Auk þess sem Benfica eru í eldlínunni í Evrópudeildinni í riðli með Melsungen, Vardar frá Skopje og Kristianstad.

Stiven vildi lítið tjá sig um möguleg vistaskipti sín næsta sumar þegar Handkastið heyrði í honum en staðfesti samt sem áður að hann yrði samningslaus eftir tímabilið.