Meistaradeild Evrópu fór aftur af stað eftir langa pásu í gær þegar fjórir leikir fóru fram. Með sigri Barcelona á útivelli gegn Pick Szeged er ljóst að bæði Magdeburg og Barcelona hafa tryggt sér sæti í 8-liða úrslitum Meistaradeildarinnar og sleppa við fyrstu umferð útsláttarkeppninnar.

Þá stendur Álaborg vel að vígi í hinum riðlinum en liðið er með sjö stiga forskot á Veszprém sem eiga þó leiki inni en Veszprém mætir Kielce á útivelli í Póllandi í dag.

Hér að neðan má sjá hápunkta úr leikjum gærkvöldsins:

Álaborg - Kolstad 36-24

Pick Szeged - Barcelona 27-35

Zagreb - PSG 24-35

Magdeburg - GOG 37-30