Fyrr í vikunni var það tilkynnt að þjálfari norska karla landsliðsins, Jonas Wille fái ekki nýjan samning sem rennur út í maí.

Norski fjölmiðillinn TV 2 hafa nú bent á fjóra mögulega þjálfara sem gætu tekið við norska landsliðinu af Jonas Wille en allir eru þeir norskir.

TV 2 nefnir þá Børge Lund, Kristian Kjelling, Glenn Solberg og Bjarte Myrhol sem mögulega kandídata sem nýja landsliðsþjálfara norska liðsins.

Børge Lund er í dag þjálfari toppliðs Elverum í norsku úrvalsdeildinni en hann lék lengi vel með norska landsliðinu en allir fjórir eiga það sameiginlegt að hafa leikið fyrir norska landsliðið.

Kristian Kjelling þjálfari Drammen í norsku úrvalsdeildinni er einnig nefndur á blað en hann hefur ekki viljað tjá sig við norska fjölmiðla um starfið. Þá hefur fyrrum landsliðsþjálfari Svíþjóðar og starfandi ráðgjafi í Olympiatoppen í Noregi, Glenn Solberg einnig verður nefndur og þá hefur Bjarte Myrhol þjálfari Runar verið nefndur en hann hefur gefið það út að hann hætti sem þjálfari Runar eftir tímabilið.