Íslandsmeistarar Fram frá síðustu leiktíð eru farnir í sumarfrí eftir að tap gegn FH á heimavelli 27-32 í öðrum leik liðanna í 8-liða úrslitum Íslandsmótsins.

Garðar Ingi Sindrason var markahæstur í liði FH í kvöld með níu mörk og Ómar Darri Sigurgeirsson skoraði átta. Daníel Freyr Andrésson varði níu skot og Jón Þórarinn sex í marki FH en FH-ingar höfðu tögl og haldir á leiknum allan leikinn en FH var fjórum mörkum yfir í hálfleik 11-15.

Fram náði að minnka muninn í eitt mark í stöðunni 20-21 og aftur í stöðunni 23-24 en þá kom slæmur kafli sem reyndist liðinu dýrkeyptur. FH náði á stuttum tíma fimm marka forystu í stöðunni 24-29 og ljóst að Íslandsmeistarnir voru á leið í sumarfrí.

Viktor Sigurðsson var markahæstur í liði Fram með sex mörk og Ívar Logi Styrmisson kom næstur með fimm mörk. Rúnar Kárason átti erfiðan dag og skoraði tvö mörk úr ellefu skot tilraunum.

_{Bagg.is styður umfjöllun Handkastsins um Þjóðaríþróttina- Kóðinn: Handkastid veitir 20% afslátt í af fyrstu sendingu í áskrift á Bagg.is.}  

Sjáðu stöðuna í deildinni