Eftir að hafa tapað fyrsta leiknum í einvíginu nokkuð sannfærandi jöfnuðu Aftureldingarmenn einvígið með sigri gegn bikarmeisturum Hauka í 8-liða úrslitum og ljóst að liðin mætast í oddaleik á fimmtudaginn næstkomandi.

Með Einar Baldvin Baldvinsson í ham vann Afturelding fjögurra marka sigur 26-22 eftir að hafa verið yfir nánast allan leikinn. Staðan í hálfleik var 14-12 Aftureldingu í vil en Afturelding var mest sex mörkum yfir í fyrri hálfleik 12-6.

Gunnar Magnússon þjálfari Hauka hafði tekið tvö leikhlé eftir rúmlega 20 mínútna leik en lítið sem ekkert gekk hjá Haukaliðinu og reyndist Einar Baldvin þeim erfiður í markinu en Einar endaði með 18 varin skot, eða 45% markvörslu.

Haukar hófu seinni hálfleikinn betur og komust tvívegis einu marki yfir en þá náðu heimamenn undirtökunum á ný og sigldu að lokum fjögurra marka sigri í hús. Harri Halldórsson og  Ihor Kopyshynskyi voru markahæstir með fimm mörk fyrir Aftureldingu en hjá Haukum var Ólafur Ægir Ólafsson og Freyr Aronsson markahæstir með fjögur mörk.

_{Bagg.is styður umfjöllun Handkastsins um Þjóðaríþróttina- Kóðinn: Handkastid veitir 20% afslátt í af fyrstu sendingu í áskrift á Bagg.is.}  

Sjáðu stöðuna í deildinni