Elsa Björg Guðmundsdóttir hefur gert tveggja ára samning við Handknattleiksdeild Gróttu.

Elsa kemur til Gróttu frá KA/Þór en hún hefur leikið undanfarin fjögur tímabil á Akureyri. Hún er tvítug og er uppalin hjá HK. Elsa leikur sem línumaður og er öflugur varnarmaður.

"Það er gleðitíðindi að Elsa komi í Gróttu enda getur hún bæði leikið sem tvistur og þristur í varnarleik Gróttuliðsins. Hún er kraftmikil og duglegur leikmaður sem mun klárlega smellpassa í Gróttuliðið næstu árin“ sagði Júlíus Þórir Stefánsson þjálfari Gróttu þegar samningar voru í höfn.