Danski handknattleiksmaðurinn Mathias Gidsel hefur skrifað nafn sitt í sögubækurnar eftir að hafa slegið markamet í Meistaradeild Evrópu en enginn leikmaður hefur skorað jafn mörg mörk áður og Mathias Gidsel hefur gert á þessari leiktíð.

Mathias Gidsel og liðsfélagar hans í Füchse Berlin slógu út Veszprém í 8-liða úrslitum Meistaradeildarinnar í gær eftir vítakastkeppni. Gidsel gerði sér lítið fyrir og skoraði tíu mörk í leiknum.

Gidsel hefur skorað alls 143 mörk á tímabilinu og þar með farið fram úr fyrra meti Mikkel Hansen, sem skoraði 141 mark tímabilið 2015/2016.

Afrek Gidsels telst enn merkilegra í ljósi þess að hann á eftir að spila tvo leiki á úrslitahelgi keppninnar, Final4. Haldi hann uppteknum hætti gæti hann bætt metið enn frekar.

View this post on Instagram

A post shared by RThandball official (@rthandball)