Portúgalska deildin hélt áfram í gær en Sporting Lisabon eru búnir að tryggja sér sigurinn.

Benfica tóku á móti Porto og höfðu betur 32-29. Þorsteinn Leó Gunnarsson, leikmaður Porto, skoraði 3 mörk í leiknum en Stiven Tobar Valencia var ekki í leikmannahóp Benfica eins og undanfarnar vikur. Með sigrinum komst Benfica fyrir ofan Porto í deildinni og sitja í 2.sæti deildinnar meðan Porto eru í 3.sæti.

Meistararnir í Sporting héldu uppteknum hætti og sigruðu Águas Santas 37-29 í gær. Orri Freyr Þorkelsson skoraði 2 mörk fyrir Sporting í sigrinum.

Það er ein umferð eftir af deildinni sem fer fram eftir landsleikjahlé þann 23.maí en þar hafa Porto tækifæri að taka 2.sætið í deildinni til baka þar sem Benfica mætir toppliði Sporting.