Í morgun var dregið í undanúrslitum Meistaradeildar Evrópu en undanúrslitin og úrslitin verða spiluð á final four í Köln helgina 13. og 14. júní.

Í fyrri viðureigninni munu Álaborg og Barcelona mætast og í þeirri síðari verður þýskur stórslagur milli SC Magdeburg og Fuchse Berlin.

Það gæti því verið Íslendingaslagur í úrslitaleik Meistaradeildarinnar en Viktor Gísli Hallgrímsson spilar með Barca og þeir Ómar Ingi Magnússon, Gísli Þorgeir Kristjánsson og Elvar Örn Jónsson spila allir með Magdeburg.