Frederik Bjerre, leikmaður GOG, hefur sett nýtt met í sögu dönsku handknattleiksdeildarinnar eftir frammistöðu sína í bronsviðureign liðsins gegn Mors-Thy á sunnudag.

Bjerre skoraði átta mörk í 38-31-sigri GOG og hefur þar með skorað alls 278 mörk á tímabilinu. Af þeim hafa 146 komið af vítalínunni. Með þessum árangri hefur hann farið fram úr fyrra meti Nicolaj Jørgensen, sem skoraði 275 mörk fyrir Sønderjyske á síðasta tímabili. Jørgensen leikur nú með HSV Hamburg.

GOG vann fyrri bronsleikinn gegn Mors-Thy með sjö marka mun og fær Bjerre tækifæri til að bæta metið enn frekar þegar liðin mætast aftur í vikunni.

Þetta verða jafnframt síðustu leikir Bjerre fyrir GOG áður en hann heldur til pólska félagsins Wisla Plock, þar sem hann mun leika á næsta tímabili.