Hinn ungi og bráðefnilegi, Guðmundur Levy Hreiðarsson hefur samkvæmt heimildum Handkastsins gengið í raðir FH frá uppeldisfélagi sínu Þór.

Guðmundur Levy lék með FH í Hafnarfjarðarmótinu í gær í sigri FH gegn Aftureldingu og skoraði eitt mark í leiknum.

Hafnarfjarðarliðin fóru létt með HK og Aftureldingu

Guðmundur Levy er fæddur árið 2010 og hefur verið í yngri landsliðshópum Íslands undanfarin ár auk þess að hljóta einstaklingsverðlaun á lokahófum yngri flokka Þórs.

Faðir hans, er fasteignasalinn á Betri stofunni og fyrrum landsliðsmarkvörðurinn, Hreiðar Levy Guðmundsson.

Guðmundur er talinn vera einn efnilegasti leikmaður landsins í sínu árgangi og greinilegt að Aron Pálmarsson og FH-ingar eru farnir að fjárfesta til framtíðarinnar.