Tvö Íslendingalið áttu leik í kvöld í Noregi og í Danmörku en Elverum er áfram á toppnum í norsku úrvalsdeildinni eftir mjög öruggan útisigur á Bergsøy.

Lokatölurnar urðu 22-37 fyrir Elverum en Tryggvi Þórisson skoraði ekkert mark að þessu sinni fyrir gestina sem byrja tímabilið á fimm sigrum.

Í Danmörku unnu lærisveinar Arnórs Atlasonar í TTH Holstebro góðan heimasigur á Kolding, 37-31 eftir að hafa verið þremur mörkum yfir í hálfleik, 19-16. Jóhannes Berg Andrason skoraði ekki í kvöld en fékk eina brottvísun. Benedikt Gunnar Óskarsson er ennþá fjarverandi en það styttist í að hann snúi aftur á parketið.

Eftir erfiða byrjun í deildinni hafa Holstebro unnið seinustu tvo leiki sína og sitja í sjötta sæti deildarinnar eftir sjö leiki en flest önnur lið í deildinni hafa aðeins leikið sex leiki.

Úrslit kvöldsins:

Bergsøy 22-37 Elverum

Holstebro 37-31 Kolding