Elvar Ásgeirsson, leikmaður Ribe-Esbjerg, var valinn í lið 10. umferðar dönsku úrvalsdeildarinnar í handbolta af Tophåndbold.

Elvar fór á kostum í liði Ribe Esbjerg og skoraði sjö mörk og gaf fjórar stoðsendingar gegn Skanderborg AGF. Ribe tapaði hinsvegar leiknum 29-32.

Í umfjöllun Tophåndbold er Elvari hrósað fyrir mikilvægt hlutverk í góðri byrjun Ribe-Esbjerg á tímabilinu. Hann hafi lengi verið þungamiðjan í leik liðsins og eigi stóran þátt í árangrinum.

Ribe-Esbjerg er með 15 stig eftir tíu umferðir, líkt og Álaborg í 2.sæti deildarinnar en GOG trónir á toppnum með 19 stig.

Lið 10. umferðar:

• Markvörður: Emil Kheri Imsgard, Nordsjælland Håndbold.
• Vinstra horn: Morten Jørgensen, Fredericia HK.
• Vinstri skytta: Elvar Ásgeirsson, Ribe-Esbjerg HH.
• Leikstjórnandi: Óli Mittun, GOG.
• Hægri skytta: Nikolaj Larsson, Nordsjælland Håndbold.
• Hægra horn: Patrick Wiesmach, Álaborg.
• Línumaður: Anders Zachariassen, Bjerringbro-Silkeborg.

View this post on Instagram

A post shared by Tophåndbold Herrer (@tophaandboldherrer)