Handkastið fékk til sín færustu handboltasérfræðinga Evrópu til að taka saman tuttugu stærstu félagaskipti sumarsins í evrópska boltanum.

Hér að neðan má sjá ein af fimm stærstu félagaskiptum sumarsins en síðar birtist næstu fimm af stærstu félagaskiptunum. Listinn er ekki birtur í neinni ákveðinni röð.

Jim Gottfridsson til Pick Szeged frá Flensburg
Sænski landsliðsmaðurinn sem verður 33 ára síðar á árinu yfirgefur Flensburg eftir 12 ára veru þar og gengur til liðs við ungversku bikarmeistarana í Pick Szeged.

Pérez de Vargas til THW Kiel frá Barcelona
Spænski landsliðsmarkvörðurinn sem varð fyrir því óláni að slíta krossband á tímabilinu reynir fyrir sér í bestu deild heims eftir að hafa verið samningsbundinn Barcelona allan sinn feril. Vargas lék á láni með Granollers á sínum tíma auk Touluse tímabilið 2013-2014. Vargas er 34ja ára.

Torbjörn Bergerud til Wisla Plock frá Kolstad
Hinn þrítugi norski markvörður hefur komið víða við á ferlinum. Eftir þrjú ár í Noregi með Kolstad er komið að næsta kafla á hans ferli. Hann á að fylla skarð Viktors Gísla Hallgrímssonar hjá Wisla Plock.

Ahmed Hesham El-Sayed til Veszprem frá Montpellier
Er að mörgum talinn einn mest spennandi leikmaður Evrópu. Hefur spilað með Nimes og Montpellier í Frakklandi síðustu fimm ár en fær nú stóra stökkvið til Veszprém. Ahmed Hesham er 25 ára egyptskur landsliðsmaður.

Ludovic Fabregas til Barcelona frá Veszprem
Franski línumaðurinn og varnarjaxlinn er kominn aftur til Barcelona eftir tveggja ára veru í Ungverjalandi. Fabregas er 28 ára, á besta aldri og á nóg eftir af ferlinum.

Sjá einnig:
Stærstu félagaskipti sumarsins (1/4)