Eins og Handkastið greindi frá um daginn eru ungversku meistararnir í Veszprem að krækja í Ivan Martinovic frá Rhein-Necker Löwen.

Þær fréttir eru nú að berast að svo virðist sem Veszprem séu tilbúnir að slá félagskiptametið hjá sér til að fá Martinovic til liðs við sig strax í sumar. Upphæðin sem um ræðir eru 1 milljón evra og myndu þessi félagskipti fara í flokk með einum af þeim dýrustu í sögunni.

Talið er að þessi viðskipti gætu hrint af stað bylgju af frekari félagskiptum í sumar enda ekki oft sem svona peningar eru greiddir fyrir leikmenn í handbolta.

Ef af þessu verður þá undirstrikar þetta enn frekar þá stöðu sem Veszprem hefur innan alþjóðlegs handbolta hvað varðar peningamagn og aðdráttarafl.