Eftir tilkynningu Leipzig um komu Blæs Hinrikssonar frá Aftureldingu er ljóst að fjölgun íslenskra leikmanna í bestu deild í heimi heldur áfram. Blær varð þar með fjórði íslenski leikmaðurinn sem bætist við þá flóru íslenskra leikmanna sem leika í þýsku úrvalsdeildinni á næstu leiktíð, sem hefst 27.ágúst.

Fyrir utan Blæ þá hafa Einar Þorsteinn Ólafsson, Haukur Þrastarson og Reynir Þór Stefánsson bæst við þá níu íslensku leikmenn sem léku í Bundesligunni á síðustu leiktíð.

Einar Þorsteinn gekk í raðir Hamburg frá danska félaginu Frederica, Haukur Þrastarson gekk í raðir Rhein-Neckar Lowen frá Dinamo Buchuresti og þá gekk Reynir Þór Stefánsson í raðir Melsungen frá Íslands- og bikarmeisturum Fram.

Íslenskir leikmenn í deildinni verða því þrettán talsins. Guðjón Valur Sigurðsson og Arnór Þór Gunnarsson stýra síðan sínum liðum, Gummersbach og Bergischer og Heiðar Felixson er aðstoðarþjálfari Hannover-Burgdorf.

Eins og fyrr segir þá hefst þýska úrvalsdeildinni 27.ágúst með opnunarleik Hannover-Burgdorf og Gummersbach.

Íslendingar í þýsku úrvalsdeildinni 2025/2026:

Elvar Örn Jónsson - Magdeburg
Gísli Þorgeir Kristjánsson - Magdeburg
Ómar Ingi Magnússon - Magdeburg

Arnar Freyr Arnarsson - Melsungen
Reynir Þór Stefánsson - Melsungen

Haukur Þrastarson - Rhein Neckar Lowen

Einar Þorsteinn Ólafsson - Hamburg

Elliði Snær Viðarsson - Gummersbach
Teitur Örn Einarsson - Gummersbach
Guðjón Valur Sigurðsson - Gummersbach (Þjálfari)

Blær Hinriksson - Leipzig

Andri Már Rúnarsson - Erlangen
Viggó Kristjánsson - Erlangen

Ýmir Örn Gíslason - Goppingen

Heiðar Felixsson - Hannover Burgdorf (Aðstoðarþjálfari)

Arnór Þór Gunnarsson - Bergischer (Þjálfari)