Hinn magnaði Kamil Syprzak, pólski línumaðurinn sem spilar með PSG í Frakklandi hefur enn og aftur sannað það að hann er einn sá besti ef ekki sá besti þegar kemur að því að skora og nýta færin sín en fimmta árið í röð endaði hann sem einn af fimm markahæstu leikmönnum meistaradeildarinnar.

Pólverjinn sem er líkamlega sterkur, með mikla reynslu og einstaklega góður að koma boltanum í netið hefur verið í algjöru lykilhlutverki síðan hann kom til Parísar frá stórliði Barcelona og það er alveg á hreinu að það mun halda áfram undir stjórn nýju þjálfara liðsins, Stefan Madsen og Henrik Møllgaard.

Pólverjinn sem verður 34 ára á þessu ári á þó enn eftir að lyfta þeim stóra á ferlinum en það er spurning hvort að það náist loksins með þjálfarabreytingunum og ef Syprzak geti haldið áfram að skora eins og hann hefur verið að gera.

Fimm markahæstu leikmenn Meistaradeildarinnar 2024/2025:
1. Mathias Gidsel (Fuchse Berlin) - 136 mörk
2. Mario Sostaric (Pick Szeged) - 130 mörk
3. Lasse Andersson (Fuchse Berlin) - 116 mörk
4. Martim Costa (Sporting) - 105 mörk
5. Kamil Syprzak (PSG) - 104 mörk