Það ríkir handboltafár í Danmörku eins og venjulega og það sýnir sig ágætlega á áhuga almennings yfir æfingaleik sem fyrirhugaður er í lok ágúst. Því yfir 5000 miðar hafa verið seldir á æfingaleik Álaborgar og þýska úrvalsdeildarliðsins, SG Flensburg-Handewitt.

Leikurinn er fram föstudagskvöldið 22. ágúst í Sparekassen Danmark Arena heimavelli Álaborgar.

Mikill áhugi er fyrir komandi tímabili hjá Álaborgar-liðinu sem mætir til leiks á nýju tímabili með dýrasta lið félagsins frá upphafi, að sögn Jan Larsen stjórnarmanns hjá félaginu.

Á sama tíma og þetta er síðasti æfingaleikur liðsins fyrir tímabilið þá mun félagið nýta viðburðinn til að kynna leikmannahópinn fyrir stuðningsmönnum sínum.

Danska deildin hefst 27. ágúst en Álaborg tekur á móti Skanderborg AGF í 1. umferð.

Komnir til Álaborgar í sumar:

• Juri Knorr (frá Rhein-Neckar Löwen)
• Patrick Helland Anderson (frá Elverum Håndball)
• Tobias Nielsen (frá TMS Ringsted)
• Alexandre Blonz (frá GOG)
• Vetle Rønningen (frá Skjern Håndbold)

Farnir frá Álaborg í sumar:

• Hendrik Möllgaard (hættur)
• Miguel Martins (til CS Dinamo Bucuresti)
• Jack Thurin (til Montpellier Handball)
• Tobias Nielsen (til HØJ Elite på lejeaftale)
• Aleks Vlah (til Vive Kielce)
• Sebastian Barthold (til SC Magdeburg)
• Martin Larsen (hættur)