Landsliðsmaðurinn, Viggó Kristjánsson gat ekki tekið þátt í æfingamóti með þýska liði sínu, Erlangen um helgina vegna veikinda.

Erlangen var um helgina í æfingaferð í Austurríki og átti að spila leik gegn HC Kriens-Luzern í dag en Erlangen sá sér ekki fært um að spila leikinn vegna veikinda sem herja á leikmannahópinn.

Viggó Kristjánsson er meðal leikmanna Erlangen sem eru veikir en Viggó staðfesti í samtali við Handkastið að hann sé allur að koma til.

Erlangen lék gegn Eisenach á laugardaginn og vann þann leik 30-28 en áður hafði liðið leikið gegn Eulen Ludwigshafen og unnið þann leik 37-32.

Erlangen tilkynnti í gærkvöldi að leiknum við HV Kriens-Luzern yrði aflýstur.