Spænska stórliðið, Barcelona gaf það út í síðustu viku hverjir mynda fjögurra manna fyrirliðateymi liðsins fyrir komandi tímabil. Viktor Gísli Hallgrímsson gekk í raðir félagsins frá Wisla Plock og er mættur til æfinga hjá félaginu.

Félagið bauð einnig nýliðana velkomna til félagsins en það voru þeir Viktor Gísli Hallgrimsson, Ludovic Fabregas, El Deraa og Daniel Fernandez.

Fyrirliðateymið er ekki af lakari gerðinni en Frakkinn, Dika Mem er aðalfyrirliði liðsins en með honum eru þeir Timothey N’Guessan, Blaz Janc og Luís Frade.