Fyrsti leikur þýsku úrvalsdeildarinnar fór af stað í dag þegar að Hannover tók á móti Guðjóni Val og lærisveinum í Gummersbach.

Fyrri hálfleikurinn var kaflaskiptur og skiptust lið á að vera með forystuna en staðan í hálfleik var 11-15 Gummersbach í vil.

Gummersbach byrjuðu betur í seinni hálfleik en Hannover klóruðu í bakkann og voru á tímapunkti búnir að minnka muninn í 2 mörk. Gummersbach gáfu í undir lokinn og sigldu þægilegum útisigri í höfn 26-29.

Renars Uscins var atkvæðamesti leikmaður vallarins fyrir Hannover með 8 mörk og þrjár stoðsendingar. Í liði Gummersbach var Kay Smits atkvæðamestur með 6 mörk og 4 stoðsendingar. Teitur Örn Einarsson skoraði fjögur mörk og Elliði Snær Viðarsson þrjú fyrir Gummersbach.