Andri Már Rúnarsson skoraði fjögur mörk í fyrsta deildarleik sínum með HC Erlangen í 1.umferð þýsku úrvalsdeildarinnar í kvöld þegar liðið tók á móti Kiel.

Viggó Kristjánsson skoraði einnig fjögur mörk og gaf tvær stoðsendingar fyrir Erlangen en liðið þurfti að sætta sig við tveggja marka tap 31-29. Erlangen leiddi í hálfleik 13-12 eftir að Viggó hafi skorað síðasta mark fyrri hálfleiks.

Emil Madsen leikmaður Kiel var markahæstur allra á vellinum í kvöld með átta mörk en Christopher Bissel var markahæstur Erlangen með sex mörk. Færeyingurinn, Elias á Skipagötu skoraði sex mörk fyrir Kiel.