Þrír leikir fóru fram í þýsku úrvalsdeildinni í dag.

Nýliðar Bergsicher undir stjórn Arnórs Þórs Gunnarssonar mættu ríkjandi meisturum í Fusche Berlín í höfuðborginni.

Það er skemmst frá því að segja að Arnór og félagar fengu skell gegn Berlínarrefunum sem sigurðu leikinn 39-27 eftir að hafa leitt með 3 mörkum í hálfleik.

Matthias Gidsel var markahæstur eins og svo oft áður með 10 mörk.

Einar Þorsteinn Ólafsson komst ekki á blað hjá Hamburg í sigri liðsins á Stuttgart en gaf eina stoðsendingu. Einar Þorsteinn gekk til liðs við Hamburg í sumar.

Hamburg leiddi 18-14 eftir fyrri hálfleikinn og sigraði leikinn að lokum með þrem mörkum, 36-33.

Nicolaj Jørgensen skoraði 12 mörk fyrir Hamburg og Kai Häfner skoraði 11 mörk fyrir Stuttgart.

Í lokaleik dagsins gerðu Ýmir Örn og liðsfélagar hans í Göppingen jafntefli gegn Minden á útivelli. Lokatölur í leiknum urðu 28-28 eftir að Minden leiddi með einu marki í hálfleik 14-13.

Ýmir Örn skoraði 2 mörk úr 4 tilraunum í leiknum og Ian Weber var markahæstur á vellinum með 9 mörk fyrir Minden.