Dregið var í 16-liða úrslit sænska bikarsins fyrr í vikunni en fjögur íslensk lið voru í pottinum er dregið var.

Það sem vekur hvað mest athygli er að Malmö og Savehof drógust á móti hvor öðru en það er ekki frásögu færandi nema fyrir þær sakir að þessi félög eru nú í miðju einvígi í forkeppni Evrópudeildarinnar þar sem Savehof vann fyrri leikinn í Malmö nokkuð sannfærandi síðustu helgi og mætast öðru sinni í Gautaborg næstu helgi.

í 16-liða úrslitum sænska bikarsins er spilað heima og heiman og það er því ljóst að Savehof og Malmö verða búin að mætast fjórum sinnum innbyrðis áður en deildarkeppnin í Svíþjóð hefst. Liðin mætast síðan aftur í 5.umferð deildarinnar 2.október.

Enginn Íslendingaslagur verður í 16-liða úrslitum sænska bikarsins.

Drátturinn í heild sinni:

Tyresö - Aranås

Karlskrona - Redbergslids (Ólafur Guðmundsson og Arnór Viðarsson leika með Karlskrona)

Kristianstad - Helsingborg (Einar Bragi Aðalsteinsson leikur með Kristianstad)

Malmö - Savehof (Birgir Steinn Jónsson leikur með Savehof)

Kroppskultur - Hammarby

Ystads - Hallby

Tumba - Amo (Arnar Birkir Hálfdánsson leikur með Amo)