Nikolej Krickau verður næsti þjálfari Fuchse Berlín. Það er TV 2 Sport í Danmörku sem segir frá. Samningur Krickau við Fuchse Berlín er til ársins 2028.

Mikið hefur verið fjallað um mál Jaron Siewert þjálfara Fuchse Berlín að undanförnu en í morgun skrifaði Handkastið um það að þýskir miðlar fjölluðu um að dagar Siewert sem þjálfara Fuchse yrðu ekki margir.

Þýsku meistarnir í Fuchse Berlín hafa einnig staðfest tíðindin og segja að Krickau tekið við liðinu frá og með deginum í dag. Hann verði á hliðarlínunni í stórleik þýsku deildarinnar á laugardaginn þegar Fuchse Berlín og Magdeburg mætast.

,,Nicolej Krickau tekur við sem þjálfari hjá Füchsen Berlin héðan í frá. Hann verður á hliðarlínunni þegar á laugardaginn í heimaleiknum gegn Magdeburg," segir í tilkynningu félagsins.

Á sama tíma hefur félagið tilkynnt að Bob Hanning framkvæmdastjóri félagsins og Stefan Kretzschmar hafi náð samkomulagi um að sá síðarnefndi hætti strax sem íþróttastjóri félagsins.

Krickau var þjálfari SG Flensburg á síðustu leiktíð en var látinn taka poka sinn í desember á síðasta ári. Krickau þjálfaði Mathias Gidsel besta leikmann heims og leikmann Fuchse hjá GOG á sínum tíma.

Þetta verður að teljast ein óvæntustu tíðindi í handboltaheiminum í langan tíma en Jaron Siewert gerði félagið að þýskum meisturum í fyrsta skipti í sögu félagsins á síðustu leiktíð og fór með liðið alla leið í úrslit Meistaradeildarinnar.

Mikið hefur gustað í kringum félagið að undanförnu og eftir að Stefan Kretszcmar tilkynnti í vikunni að hann myndi hætta hjá félaginu næsta sumar fóru sögur að berast um að Jaron Siewert ætti ekki marga daga eftir í starfi félagsins. Þó var haldið að hann myndi stýra liðinu gegn Magdeburg um helgina en nú er það orðið staðfest að Nikolej Krickau hefur tekið við liðinu.