Franska karla landsliðið hefur orðið fyrir blóðtöku því franski markvörðurinn Samir Bellahcene hefur ákveðið að gefa ekki kost á sér í franska landsliðið.

Bellehcene segist hafa tekið ákvörðina eftir að hafa rætt við Guillaume Gille landsliðsþjálfara Frakka á dögunum.

„Eftir langt samtal við starfsfólkið – sérstaklega Gino (Guillaume Gille), sem hefur stutt mig mikið hef ég ákveðið að hætta keppni í landsliðinu. Þetta er persónuleg og fjölskylduleg ákvörðun. Ég þarf meiri tíma fyrir fjölskylduna mína,“ sagði markvörðurinn í viðtali við vefsíðu franska handknattleikssambandsins.

Bellahcene hefur komið víða við á ferlinum en lék síðustu ár í Þýskalandi með Kiel og Stuttgart  en fluttist til Rúmeníu í sumar og leikur með Dinamo Bucuresti.

Bellehcene er einungis 29 ára og var í leikmannahópi franska landsliðsins sem varð Evrópumeistari á síðasta ári.

Síðasti stóri leikur Bellahcene fyrir franska landsliðið var á HM 2025, þar sem meiðsli neyddu hann til að hætta keppni snemma.