Það fóru þrír leikir fram í efstu deild karla í Danmörku þar sem Íslendingar komu við sögu í tveimur þeirra.

TTH Holstebro sem Arnór Atlason þjálfar og Jóhannes Berg Andrason spilar með mættu Sønderjyske á útivelli í kvöld og því miður tapaðist leikurinn í hörkuleik, 31-29. Jóhannes Berg skoraði þrjú mörk úr sjö skotum og bætti við tveimur stoðsendingum.

Guðmundur Guðmundsson og lærisveinar hans í Fredericia töpuðu með fimm mörkum fyrir Nordsjælland á útivelli, 31-26. Þeir fara illa af stað í deildinni í ár en þeir hafa aðeins unnið einn af fjórum leikjum sínum og spurning hvort farið sé að hitna undir fyrrum landsliðsþjálfaranum.

Í seinasta leik kvöldsins unnu GOG góðan sigur á Grindsted, 34-31.

Úrslit kvöldsins:

Sønderjyske 31-29 TTH Holstebro

Nordsjælland 31-26 Fredericia

GOG 34-31 Grindsted