Brynjar Narfi Arndal leikmaður FH í Olís-deild karla varð í gær sá yngsti til að skora mark í leik í efstu deild karla á. Það er Handbolti.is sem greinir frá.

Þar segir Handbolti.is að Brynjar Narfi hafi verið 15 ára og 81 dags gamall í gær en hann er fæddur 30. júní 2010. Brynjar Narfi kom við sögu í sínum fyrsta meistaraflokks leiks í efstu deild í febrúar á síðustu leiktíð og var þar með yngsti leikmaður í sögu efstu deildar til að spila.

Nú hefur hans fyrsta mark á meistaraflokks ferlinum litið dagsins ljós og Brynjar Narfi þar með búinn að slá tvö met á sama almanaksárinu.

Brynjar Narfi skoraði eitt mark gegn ÍBV í 36-30 sigri liðsins í 3.umferð Olís-deildar karla í gærkvöldi en mark Brynjars Narfa var síðasta mark FH í leiknum.

Handbolti.is greinir jafnframt frá því í sinni umfjöllun um málið að Selfysinngurinn, Ragnar Jóhannsson, hafi átt metið fram til gærkvöldsins. Ragnar var 15 ára og 138 daga gamall er hann skoraði fyrir Selfoss í leik gegnum Haukum á Ásvöllum 12. mars 2006.

Þriðji yngsti leikmaðurinn til að skora í efstu deild er síðan annar FH-ingur sem lagði handboltaskóna nýverið á hilluna, Aron Pálmarsson en hann var 15 ára og 223 daga gamall er hann skoraði í leik FH og ÍBV 1. mars 2006.

Aron Pálmarsson átti það met hinsvegar bara í ellefu daga því eins og fyrr segir bætti Ragnar Jóhannsson jafnaldri hans frá Selfossi það 11 dögum síðar.