Guðmundi Þórði Guðmundssyni var í morgun sagt upp sem þjálfara Fredericia í Danmörku. Félagið tilkynnti þetta í morgunsárið.

Jesper Houmark, sem var aðstoðarþjálfari liðsins, og Michael Wollesen munu taka við þjálfun liðsins. Fredericia þakkar Guðmundi fyrir vel unnin störf en hann náði frábærum árangri með liðið. Kom því meðal annars í fyrsta sinn í Meistaradeild Evrópu og í Evrópudeildina þetta tímabilið.

Thomas Renneberg-Larsen, framkvæmdarstjóri liðsins segir óánægju ríkja með spilamennsku liðsins í upphafi þessa tímabils og að miklar breytingar hafi orðið á leikmannahópi liðsins sem kalli á nýja rödd í þjálfun liðsins.