Íslendingaliðið TTH Holstebro sem Arnór Atlason þjálfar og Jóhannes Berg Andrason spilar með féll í kvöld úr leik í dönsku bikarkeppninni eða Santander Cup eins og hún heitir í Danmörku.

Holstebro mætti Sønderjyske á útivelli og voru eftir á frá upphafi til enda, staðan í hálfleik var 15-11 fyrir heimamenn og þeir unnu að lokum nokkuð öflugan og sannfærandi sigur, 27-20.

Jóhannes Berg skoraði þrjú mörk úr sex skotum og bætti við einni stoðsendingu. Gestirnir hafa því sagt skilið við bikarkeppnina í ár og geta farið að einbeita sér alfarið að deildinni.

Úrslit kvöldsins:

Sønderjyske 27-20 TTH Holstebro