Danski landsliðsmaðurinn, Thomas Arnoldsen leikmaður dönsku meistaranna í Álaborg er orðaður við Þýskalandsmeistara Fuchse Berlín. 

Það er RThandball og Rygtebors sem greina frá á Instagram.

Thomas Arnoldsen gekk í raðir Álaborg frá Skanderborg sumarið 2023 og er því að hefja sitt þriðja tímabil með danska félaginu.

RTHandball segir frá því að Arnoldsen sé með samning við Álaborg til ársins 2028 en áhugi stórliðsins gæti haft áhrif á framtíð hans.

Fuchse Berlín hafa einnig verið orðaðir við Danann Simon Pytlick en ólíklegt þykir að félagið fái bæði Thomas Arnoldsen og Simon Pytlick til sín.