Bæði Sigtryggur Daði Rúnarsson leikmaður ÍBV og Valdimar Örn Ingvarsson leikmaður Selfoss í efstu deild karla fengu rautt spjald í 3.umferðinni í síðustu viku.

Mál þeirra var tekið fyrir hjá aganefnd HSÍ í gær.

Skemmst er frá því að segja að báðir sluppu þeir við leikbann en aganefnd HSÍ mat það sem svo að bæði brotin falli undir reglu 8:5 b).

Aganefndin vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

Bæði Sigtryggur Daði og Valdimar Örn geta því leikið í komandi umferð en ÍBV tekur á móti Þór og því getur Sigtryggur Daði leikið gegn sínu uppeldisfélagi á laugardaginn.

Valdimar Örn getur leikið með sínu liði gegn Val í 4.umferðinni annað kvöld.