Hvíti riddarinn fengu í dag Harðarmenn frá Ísafirði í heimsókn í Myntkaup höllina í Mosfellsbæ.

Fyrstu 45 mínúturnar var þetta algjör hörkuleikur og afar lítið á milli liðanna. En þá tóku Harðar menn hressilega við sér, settu í aukagír og spóluðu yfir Mosfellinga. Lokatölur 22-29 fyrir Hörð eftir að það hafði verið jafnt í hálfleik 14-14.

Óhætt er að segja að Jose Esteves Lopes Neto hafi átt stórleik en hann setti 13 mörk og bauð upp á skrautsýningu. Stefán Freyr Jónsson var líka öflugur í markinu hjá Harðverjum en hann varði 14 skot.

Hjá Hvíta Riddaranum dreifðist markaskorunin mjög jafnt en þeir Andri Freyr Friðriksson og Haukur Guðmundsson voru báðir með 4 mörk. Markmenn þeirra áttu líka góðan dag með samtals 19 skot varin þeir Sölvi Þór og Eyþór.