Þýska úrvalsdeildarliðið, Flensburg hefur fyllt skarðið sem Kevin Møller skilur eftir sig næsta sumar er hann gengur í raðir GOG í Danmörku.

Flensburg tilkynnti í dag að sænski markvörðurinn, Simon Möller hafi skrifað undir samning við félagið. Simon Möller kemur til Flensburgar frá franska félaginu Fenix Toulouse.

Sænski landsliðsmaðurinn, Simon Möller er á sínu öðru tímabili hjá Touluse í Frakklandi en hann er fæddur árið 2000 og er uppalinn hjá Savehof í Gautaborg. Hann var hluti af sænska landsliðinu sem vann til bronsverðlauna á EM í Þýskalandi 2024.

Hann var hluti af U18 ára landsliði Svía sem vann heimsmeistaramótið 2018.

,,Við erum mjög ánægð með að tilkynna það að Simon Möller gangi í raðir félagsins næsta sumar," sagði framkvæmdastjóri Flensburg, Holger Glandorf.