Það var Íslendingaslagur í sænsku deildinni í gærkvöldi þegar Kristianstad tók á móti Karlskrona í nágrannaslag. Einar Bragi Aðalsteinsson skoraði þrjú mörk úr átta skotum, gaf tvær stoðsendingar og fékk eina brottvísun í liði heimamanna.

Eyjamaðurinn, Arnór Viðarsson leikmaður Karlskrona skoraði tvö mörk úr þremur skotum en fékk síðan beint rautt spjald eftir 28 mínútna leik. Heimamenn voru sterkari í seinni hálfleik og unnu að lokum góðan sigur, 36-29.

Hér að neðan má sjá brot Arnórs Viðarssonar sem uppskar rautt spjald. Það er erfitt að koma því í orð hvað nákvæmlega gerist nema það að Arnór Viðarsson virðist hoppa á leikmann Kristianstad í frákasti.

Sjón er sögu ríkari.

Handbollsligan live levererar 😀 pic.twitter.com/ipfGitOdbS

— Martin Larsen (@MartinL_ml) September 29, 2025