Stymmi Klippari mun í allan vetur spá í spilin og tippa á hvernig komandi umferð mun fara í efstu deildum karla og kvenna.

Hér að neðan má sjá hvernig hann telur að 5.umferð fari í efstu deild karla.

Þór – Stjarnan (Fimmtudagur 18:00) / Sigurvegari: Þór

Meiðslahrjáðir Stjörnumenn halda norður og þá heldur maður í voninn að enginn leikmaður fái í bakið í rútuferðinni! Þór hafa verið erfiðir heim að sækja hingað til á tímabilinu. Kári Kristján er búinn að fá tæpa viku með þeim og mun eflaust spila meira en hann gerði í Eyjum. Ég held að Þórsarar komi á óvart og vinni heimasigur.

KA– ÍR (Fimmtudagur 18:15) / Sigurvegari: KA

KA búnir að vinna tvo útileiki í vetur en eiga eftir að vinna heima. ÍR-ingar hafa verið að byrja leikina virkilega illa en áttu fárbæran seinni hálfleik gegn Aftureldingu í síðasta leik. Ég held þó að heimavöllurinn vinni í þetta skipti og bæði norðanliðin sigri á fimmtudaginn.

Selfoss – ÍBV (Fimmtudagur 18:30) / Sigurvegari: ÍBV

Suðurlandsslagur af bestu gerð. Selfoss komið virkilega á óvart í vetur með öguðum leik. ÍBV virka gífurlega sterkir með Petar í toppformi í markinu. Ég tel að Selfoss verði lítil fyrirstaða fyrir Eyjamenn í þessum leik og ÍBV verði með montréttinn á suðurlandinu.

Afturelding – Fram (Fimmtudagur 19.00) / Sigurvegari: Afturelding

Fram eru að glíma við mikil meiðsli í herbúðum sínum en áttu þó flottar 50 mínútur gegn Haukum í síðustu umferð meðan Afturelding sitja á toppi deildinnar með fullt hús stiga. Einar Baldvin markvörður Aftureldingar að glíma við meiðsli en ég held að það komi ekki að sök í þessum leik og Afturelding klári þetta í jöfnum og spennandi leik.

FH – HK (Fimmtudagur 19.15) / Sigurvegari: FH

FH-HK er leikur sem allir veðmálahausar munu eftir frá síðasta ári. HK hafa þó ekki unnið leik síðan 21.febrúar á þessu ári og þvi miður munu þeir þurfa að bíða lengur. FH mun hefna fyrir tapið gegn Stjörnunni í síðustu umferð og vinna HK þægilega á heimavelli.

Haukar– Valur (Fimmtudagur 19.30) / Sigurvegari: Haukar

Stórleikur umferðinnar, svokallað fuglastríð! Bæði lið með 6 stig í deildinni eftir 4. umferðir og Haukar heldur betur verið að finna formið sitt og Aron Rafn verið að koma til í markinu. Valur verið í smá basli með að finna rythma en eflaust ánægðir með 2 sigra í röð á nýliðum deildinnar. Þetta er svokallaður 1x2 leikur en Klipparinn ætlar að tippa á Haukasigur í þessum leik.

4.umferð (4.réttir)
3.umferð (5 réttir)
2.umferð (4 réttir)
1.umferð (3 réttir)