6.umferðin í þýsku úrvalsdeildinni hefst í dag með fjórum leikjum þar sem þrjú Íslendingalið verða í eldlínunni. Umferðin klárast síðan á morgun en stórleikur umferðarinnar er leikur Kiel og Rhein Neckar Lowen á morgun klukkan 14:30.

Handkastið hefur tekið saman markahæstu leikmenn þýsku úrvalsdeildarinnar eftir fyrstu fimm umferðirnar en þar eru Ómar Ingi Magnússon leikmaður Magdeburgar og Blær Hinriksson leikmaður Leipzig á meðal tíu markahæstu leikmanna deildarinnar.

Hér má sjá markahæstu leikmenn þýsku úrvalsdeildarinnar eftir fimm umferðir:

1. Mathias Gidsel (Fuchse Berlin) - 51 mark
2. Elias Ellefsen a Skipagotu (Kiel) - 50 mörk
3. Ómar Ingi Magnússon (Magdeburg) - 49 mörk
4. Kai Hafner (Stuttgart) - 49 mörk
5. Marek Nissen (Erlangen) - 36 mörk
6. Emil Jakobsen (Flensburg) - 36 mörk
7. Philipp Ahouansou (Wetzlar) - 36 mörk
8. Karolis Antanavicius (Minden) 36 mörk
9. Niels Versteijnen (Lemgo) - 34 mörk
10. Blær Binriksson (Leipzig) - 34 mörk
11. Nicolaj Jorgensen (Hamburg) - 34 mörk

Leikir dagsins í þýsku deildinni:

16:00 Leipzig - Flensburg
17:00 Göppingen - Burgdorf
17:00 Minden - Lemgo
18:00 Erlangen - Fuchse Berlín