Línumaðurinn í HK, Sigurður Jefferson Guarino hefur spilað nánast fullkominn leik með HK í Olís-deildinni hingað til.

Það hefur hinsvegar ekki dugað í stigasöfnun liðsins en HK vann sinn fyrsta leik í síðustu umferð þegar liðið vann FH í 5.umferðinni.

Í nýjasta þætti Handkastsins var farið yfir þá fimm bestu leikmenn Olís-deildarinnar að mati Handkastsins hingað til. Þar var Sigurður á listanum.

Hann er með flestar stöðvanir varnarlega í deildinni, 32 talsins eða rúmlega sex stöðvanir í leik.

Þá hefur hann var gott sem óstöðvandi sóknarlega en hann hefur skorað 21 mark úr 22 skotum það sem af er tímabils.

Eina skotið sem Sigurður klikkaði var gegn Aftureldingu í upphafi leiks þar sem hann hitti ekki á markið.

Markaskorun Sigurðar á tímabilinu:
ÍBV - HK 3/3
HK - Afturelding - 3/4
Stjarnan - HK - 6/6
HK - KA - 1/1
FH - HK - 8/8