6.umferðin í Meistaradeild Evrópu lauk í gær með fimm leikjum þar sem þrjú Íslendingalið voru í eldlínunni. Óvæntustu úrslit gærkvöldsins var án efa sigur GOG á París í París.

Ómar Ingi Magnússon fór á kostum í sigri Magdeburg gegn Eurofarm Pelister þar sem hann skoraði tíu mörk úr tíu skotum. Elvar Örn Jónsson skoraði þrjú mörk og Gísli Þorgeir Kristjánsson skoraði eitt mark.

Þá kom Viktor Gísli Hallgrímsson lítið við sögu í tíu marka sigri Barcelona á fyrrum liðsfélögum Viktors í Wisla Plock í Póllandi. Þá skoraði Bjarki Már Elísson þrjú mörk fyrir Veszpérm í tapi liðsins gegn Fuchse Berlín.

Wisla Plock - Barcelona 24-34

Magdeburg - Eurofarm Pelister 36-26

Dinamo Bucuresti - Kielce 24-28

Veszprém - Fuchse Berlín 31-32

PSG - GOG 34-36