Í dag komu Mosfellingarnir í Hvíta Riddaranum í heimsókn á Seltjarnarnesið og léku við Gróttu í Grill 66 deild karla.

Grótta voru ekki alveg klárir í slaginn í byrjun leiks og lentu þeir 0-4 undir. Og út fyrri hálfleikinn fundu þeir ekki fjölina sína. Arfaslakur fyrri hálfleikur hjá Gróttu en að sama skapi Hvíti Riddarinn að gera vel. Í hálfleik var staðan 14-17.

Í seinni hálfleik kom greinilega allt annað Gróttu lið til leiks og náðu þeir m.a 7-1 kafla í upphafi seinni hálfleiks. Þeir litu aldrei um öxl eftir það og kláruðu leikinn 32-28.

Tómas Bragi Lorriaux var markahæstur hjá Gróttu með 9 mörk. Hannes Pétur Hauksson varði 13 skot í rammanum hjá þeim.

Hjá Hvíta Riddaranum var Aron Valur Gunnlaugsson markahæstur með 11 mörk og Sölvi Þór Daníelsson átti flottan leik í markinu með 18 skot varin.

_{Hress styður umfjöllun Handkastsins um Þjóðaríþróttina - Í tilefni þess fá allir hlustendur og lesendur Handkastsins 2 fyrir 1 af öllum boozt á Hressbarnum út október. Hress er staðsett á Dalshrauni 11 í Hafnarfirði. Verði ykkur að góðu.}