Þýsku meistarnir í Fuchse Berlin urðu fyrir miklu áfalli er Fabian Wiede sleit krossband í hægra hné og mun ekki spila meira á þessum tímabili.

Fabian Wiede varð fyrir meiðslunum í vikunni er liðið vann Veszprém í 6.umferð Meistaradeildarinnar í Ungverjalandi.  Wiede meiddist strax á tíu mínútu leiksins. 

Þjálfari Berlínarliðsins og íþróttastjórinn, Nicolej Krickau segir þetta mikið áfall fyrir liðið. 

Fuchse Berlín eru í baráttunni á mörgum stöðum og eru að missa mikilvægan leikmann í Wiede sem er þeim mikilvægur á báðum endum vallarins.

Fuchse Berlín fær Einar Þorstein Ólafsson og félaga í Hamburg í heimsókn í dag í þýsku úrvalsdeildinni. Berlínarliðið er með 14 stig að loknum níu leikjum á meðan Hamburg er með níu stig eftir jafn marga leiki.