Bjarni Fritzson segist taka stigið en fannst frammistaða liðsins ekkert hafa verið svakaleg er liðið gerði jafntefli gegn ÍBV á heimavelli í 9.umferð Olís-deildar karla í kvöld, 36-36. Bæði lið fengu tækifæri til að vinna leikinn undir lokin en án árangurs.

Þetta var fyrsti leikurinn eftir landsliðsverkefni en ÍR-ingar voru með nokkra leikmenn í unglingalandsliðsverkefnum bæði með U20 og U18. Bjarni fannst hann finna fyrir ákveðnu þreytu merki á þeim leikmönnum sem voru í landsliðsverkefnunum en U20 ára landsliðið lék til að mynda tvo æfingaleiki við Grænland á fimmtudag og laugardag í síðustu viku.

ÍR er enn í leit af sínum fyrsta sigri í deildinni en liðið situr á botni deildarinnar með tvö stig. ÍR fer í Garðabæinn í næstu umferð og mætir þar Stjörnunni.

Viðtalið við Bjarna Fritzson má sjá hér að neðan.