Sænski hornamaðurinn Isak Persson, sem varð Evrópumeistari með Magdeburg í vor, hefur samið við danska liðið GOG. Persson gengur í raðir GOG næsta sumar frá sænska félaginu HK Malmö.

Eftir eins árs veru hjá Magdeburg gekk Persson í raðir Malmö í sumar en nú er ljóst að hann leikur í dönsku úrvalsdeildinni á næsta ári.

Persson sem er fæddur árið 2000 lék tvö tímabil með Bergishcer áður en hann gekk í raðir Magdeburg. Þar áður lék hann með Lugi. Persson hefur leikið níu landsleiki fyrir Svíþjóð.

Persson var meðal annars Evrópumeistari með Svíum á EM 2022 sem haldið var í Ungverjalandi og Slóvakíu.