Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 11.umferð fari í Olís deild karla.

ÍR– FH (Miðvikudagur 19:00) / Sigurvegari: FH

Fara ÍR sigurlausir í gegnum fyrri umferðina? Já ég held það því miður fyrir þá. FH áttu frábæran leik gegn KA í síðustu umferð en hafa verið í veseni að tengja góðar frammistöður í vetur en ég tel það muni gerast í kvöld. FH sigur hérna. Coolbet bjóða markalínuna yfir 63,5 mörk sem ég held að detti alltaf með þessum tveim liðum.               

Haukar – HK  (Fimmtudagur 18:30) / Sigurvegari: Haukar

Toppliðið í deildinni hefur nú oft átt erfiða leiki gegn HK. Gunni Magg hefur talað um að hann sé að reyna finna út úr því afhverju liðið á það til að detta niður á sama plan og mótherjarnir. HK með húskúpuleik gegn Val í síðustu umferð, þeir munu spila mun betur í þessum leik en það mun því miður ekki duga.

Afturelding – Selfoss (Fimmtudagur 19:00) / Sigurvegari: Afturelding

Selfoss gefa öllum liðum leik í 50 mínútur og það verður uppskriftin í þessum leik. Afturelding hefur þetta í restina eftir að Selfyssingar hafi látið þá hafa fyrir þessu framan af leik.

KA – Þór (Fimmtudagur 19:30) / Sigurvegari: KA

Leikurinn sem allir handboltaáhugamenn hafa beðið eftir í ALLAN vetur! Akureyrarliðið að mætast í efstu deild karla og það er uppselt á leikinn. Þægilega leiðin til að styggja engan væri að spá þessu jafntefli en ég held að KA muni vinna þennan leik og heimavöllurinn mun fara langt með það.

Fram – Stjarnan  (Föstudagur 18:30) / Sigurvegari: Fram

Hrakfarir Stjörnunnar taka ekki enda þetta föstudagskvöldið. Liðið náði jafntefli gegn ÍR í síðasta leik en gengið undanfarið hefur verið erfitt. Fram átti flottan leik gegn Kirens á þriðjudagskvöldið og Rúnar Kárason hefur talað um að þessir leikir gefi þeim orku í deildinarleikina og þeir munu nýta þá auka orku á föstudaginn og vinna Stjörnuna á heimavelli. Coolbet bjóða 1.75 í stuðul á Fram sigur.

Valur – ÍBV(Laugardagur 16.30) / Sigurvegari: Valur

Valur eftir komu Arnórs Snæs er allt önnur skepna eins og hefur sést í síðustu leikjum liðsins. ÍBV endurheimti Petar og Daníel Þór í síðasta leik en ég tel að sóknarleikurinn þeirra sakni Elís Þórs ennþá of mikið og Valur vinni þennan leik þægilega á heimavelli.