Fram tók á móti FH í Úlfarsársdalnum í kvöld í 12.umferð Olís deildar karla.

Mikið álag er búið að vera á Fram undanfarið en þeir spiluðu í Porto á þriðjudagskvöldið.

Jafnt var á nánast öllum tölum í upphafi leiksins en það var síðan eftir um 20 mínútna leik sem FH fór að síga fram úr og leiddi í hálfleik 14-17.

Síðari hálfleikuinn fór af stað líkt og sá fyrri endaði og voru FH alltaf skrefi á undan Fram sem söknuðu Rúnars Kárasonar í kvöld en hann var ekki í leikmannahóp þeirra.

Um miðbik síðari hálfleiks breyttu FH stöðunni úr 20-24 í 20-28 og virtist þreytan vera farin að segja til sín í liði Frammara sem fengu hvert hraðaupphlaupsmarkið í bakið á sér.

Úrslit leiksins virtust ráðin en þá fundu Frammarar einhver fítonskraft og náðu að minnka muninn í 2 mörk, 28-30 þegar 90 sekúndur voru til leiksloka. Þeir fengu tækifæri til að minnka muninn enn frekar en Daníel Freyr markaður FH varði skot Dánjals og lokatölur leiksins urðu því 28-30.

Max Emil Stenlund var markahæstur hjá heimamönnum með 7 mörk en hjá FH voru Garðar Ingi Sindrason og Jón Bjarni Ólafsson markahæstir með 6 mörk.

Sjáðu stöðuna í deildinni

_{Hress styður umfjöllun Handkastsins um Þjóðaríþróttina - Í tilefni þess fá allir hlustendur og lesendur Handkastsins 2 fyrir 1 af öllum boozt á Hressbarnum út nóvember. Hress er staðsett á Dalshrauni 11 í Hafnarfirði. Verði ykkur að góðu.}