Í kvöld mættust Fjölnir og Víkingur í Egilshöll í Grill 66 deild karla.

Heimamenn í Fjölni mættu mun ákveðnari til leiks. Eftir rúmt korter var staðan 8-5 fyrir Fjölnismönnum. Áfram héldu heimamenn að hamra járnið og náðu að halda yfirhöndinni. Þegar flautað var til loka fyrri hálfleiks var staðan 14-12.

Víkingar mættu mun ákveðnari í byrjun seinni hálfleiks og eftir 5 mínútna leik í seinni hálfleik voru þeir komnir yfir í 15-16. Fjölnismenn náðu að jafna aftur og komast svo yfir í stöðunni 20-18 þegar korter var eftir. Víkingar jöfnuðu fljótt og voru síðan klókari á lokakaflanum. Náðu þeir að kreista fram sigur og voru lokatölur 24-26. Mikilvægur sigur hjá Víkingum sem eru komnir aftur á beinu brautina eftir tap í síðustu umferð.

Hjá Víking var Rökkvi Steinunnarson með 11 varða bolta. Sigurður Páll Matthíasson var markahæstur með 8 mörk.

Hjá Fjölni var Aðalsteinn Örn Aðalsteinsson markahæstur með 6 mörk. Markvarslan var ekki góð hjá Fjölni og skilaði hún þeim aðeins 3 boltum.

Sjáðu stöðuna í deildinni

_{Hress styður umfjöllun Handkastsins um Þjóðaríþróttina - Í tilefni þess fá allir hlustendur og lesendur Handkastsins 2 fyrir 1 af öllum boozt á Hressbarnum út október. Hress er staðsett á Dalshrauni 11 í Hafnarfirði. Verði ykkur að góðu.}